Новинкы • Noviny • News 11/2014

• Русиньскый язык – в проєктї

  27. фебруара 2014 ся одбыла вступна конференція ку едукачному проєкту Злїпшіня языковых компетенцій штудентів Пряшівской універзіты в языках народностных меншын, фінанцованому з фондів Европской унії, котру зорґанізовав Центер цїложывотного і компетенчного навчаня Пряшівской універзіты у Пряшові.

• Зaявлениє русинського писателя И. Петровція

  У сись смертелно тяжкый дїла русинuв Пuдкарпатської Руси час я – русинськый писатиль Иван Петровцій – молитовно складаву рукы и з май глыбшых глыбин мого болящого сирця, уд майтрепетных чуств мої русинської душі твердо кажу: Я РУСИН БЫВ, ЄСЬМ И БУДУ!

• К: Друге писмо Славка Заґорьского

  Пане Славко Загорьскый, єм згоден з вами, лем, нажаль, сітуація є така, же:
  – выголошовати будь што в Пряшові не мать смыслу:
  * є то теріторія, де платить юрісдікція ЕУ а НАТО;
  * Русины, котры жыють на западній цівілізачній теріторії, суть здецімованы натілько, же не суть акціїспособны;
  * Руській дім в Пряшoвi мог бы быти, надіюсь і буде, но на тот час не є головне місце сполоченьского, културного і научного жывота Русинів. Быв пріватізованый трёма особами, котры сотворили надацію.
  Зато Русины Словеньска ся до Руського дому не достануть. То документує жалостный став русиньского руху на Словеньску.

• 10 rokiv Obščestva sv. Joana Krestíteľa

  „Može by-m vas všytkych pozvav rozvažatí nad takym obraznym príkladom”. Takyma slovamí začav svoju propoviď o. Jaroslav Popovec', predseda Obščestva sv. Joana Krestíteľa v deň desjať ročňici spomjanutoho Obščestva (1. marca 2014) i prodovžav: „Jedna šyroko rozkonarena rodína zasídať ku stolu. Na stoľi je prísterte bile polotno, na kotrim sja nachodíť lem jeden maleňkyj chľib. Každyj člen rodíny dobri znať, že tot chľib ne vystarčiť pro všytkych, že ne zasytíť cilu rodínu. Otec' choc' rozdumeje, že svoju častku komus' dasť iz ďitej, no ne znať kotromu, žeby sja midži sobov ne spričalí. Zato každomu iz toho chľiba davať maleňku častku zo slovamí: - Budu sja namahatí v dalšy dňi robítí tak, žeby-m čim skorše príňis na sťil ne lem dostatok chľiba, no i što-s' na vece, žeby rodína ne holodovala.- A tak mozolíť, zrikať sja oddychu, zaznavať potupu od druhych, nuždy, trapľiňa i bidy, ne smotríť na ťažoby od ver'chností, no bere odpovidňisť za cilu rodínu. I spravdy za dajakyj čas nabude všytko potribne pro rodínu. A choc' ne žyje rodína v roskošach, ne zaznavať ťiľko bidy z nedostatku jidla. Na stoľi už ne je lem chľib, no i inšy smačny jidla...“

• Pozvánka na 10. zasadanie OSRS

  Pozývame Vás na 10. zasadanie Okrúhleho stola Rusínov Slovenska, ktoré sa uskutoční v sobotu 5. apríla 2014 od 8.30 hod. v zasadacej miestnosti Rektorátu Prešovskej univerzity „Consilium maius“, č. d. 328, (druhé poschodie), v novej budove Rektorátu PU na ul. 17. novembra č. 15 v Prešove, s programom, v ktorom jeden z najdôležitejších bodov bude rokovanie o návrhu Programu rozvoja rusínskej národnostnej menšiny podľa týchto oblastí: legislatíva, školstvo, kultúra, hlavné inštitúcie, obce a samosprávy, mediálna politika.

• Позваня до музею Е. Варгола

  12. марца 2014 од 14.00 год. у выставных просторах Музею модерного уменя Енді Варгола в Міджілабірцях буде вернісаж выставкы вытварных робот Марії „Гула“ Валенчіковой під назвов „HULA HULA FANTASY PAINTINGS“. Oрґанізаторы выставкы – споминаный музей і Сполочность Енді Варгола – Вас вшыткых любителїв вытварного уменя позывать на вернісаж той інтересной выставкы.

• Придьте до театру

  Театер Александра Духновіча в Пряшові на ул. Ярковій ч. 77 Вас позывать на 1. премєру гры Л. Н. Толстого: Не чуджолож у режії Юлії Разусовой. Тота премєра буде 14. марца 2014 о 19.00 год. на великій сценї театру. Друга премєра буде 19. марца 2014.