Новинкы • Noviny • News 19/2011

  • Списованя людей 2011 – A. Бескид:

    „Я, ВІРНЫЙ СЫН РУСИНЬСКОГО НАРОДА, протестую проти умыслу заказати церьковнославяньскый обряд, літурґію і іншы одправы в церьквах реґіонів, де жыють Русины. Славяньска літурґія і славяньскый календарь – то є наша реліґія, ... з нёв зроснуте наше „Я“, наше сердце.“
  • Списованя людей 2011 – В. Турок:

    „Може, радше бы єм ся народив як Анґлічан або Француз, але КІДЬ НЯ РАЗ БОГ СОТВОРИВ ЯК РУСИНА, ТАК БУДУ РУСИНОМ і буду заставати права свого народа.“
  • Списованя людей 2011 – І. Міклош:

    „Также на основі вшыткого єм ся рїшыв, же при маёвім списованю людей ДО КОЛОНКЫ НАРОДНОСТЬ СІ ЗАПИШУ – РУСИНЬСКА.“
  • Списованя людей 2011 – Я. Іванчо:

    „Я СОБІ ЗАПИШУ РУСИНЬСКУ НАРОДНОСТЬ а зуроблю то барз рад.“
  • Списованя людей 2011 – Р. Калиняк:

    „Мій отець ся народив в тіпічнім русиньскім селї Кечківцї в окресї Свідник. Поступно мі тот край приріс ку сердцю а русиньска култура, обычаї а главно сердечность є то, чім собі Русины підманили свою околіцю. Є зато важне, АБЫ СЬМЕ І НАДАЛЕ ДАВАЛИ АКЦЕНТ НА НАШУ РУСИНЬСКУ ІДЕНТІТУ АЙ ПРИ ТОГОРІЧНІМ СПИСОВАНЮ ЛЮДЕЙ.“
  • Недожыта 60-ка М. Мальцовской

    5. мая 2011 писателька і публіцістка Марія Мальцовска бы ся дожыла шістьдесятёх років.
  • Р. Матловіч – староновый ректор

    29. апріля 2011 члены Академічного сенату Пряшівской універзіты у Пряшові зволили проф. РНДр. Рене Матловіча, ПгД., за ректора універзіты на далшы штири рокы, кідь з 26 притомных за нёго голосовало 25 членів а єден ся стримав голосованя.