5. Было вырїшено, же од 1. до 10. юла 2009 буде Табор русиньскых дїтей у віцї од 12 до 15 років у Ганчаві. З каждой членьской орґанізації СКР може іти по 9 дїтей і єдна доросла особа як допровод. Мена, призвіска і чісла паспортів треба наголосити выконному секретарёви СРР.

Термін: до 15. мая 2009                                                                  Одповідный: каждый член СРР

6. Послїднї політічны дїї на Підкарпатю были предметом многых діскузій. Миколу Бобинця позвали як гостя за послїднїй округлый стіл орґанізованый владов Україны у Києві. Він быв єдиным представителём закарпатьской мімовладной орґанізації, котрый взяв участь у діскузії. Было вырїшено, же Світова рада Русинів мусить дати пропозіцію владї Українї, жебы внесла до списку націоналностей про наслїдуюче списованя жытельства (2010 – 2011) націоналность „Русин“, і жебы міджінародны позорователї были притомны на Закарпатю почас списованя жытельства.

Одповідны: П. Р. Маґочій, Ю. Фірцак

7. Было вырїшено, же Світова рада Русинів дасть пропозіцію 10. Світовому конґресу Русинів зволити нового представителя СКР за Україну. Прічінов того є факт, же „Сойм подкарпатськых русинов“ ся проголосив за політічну орґанізацію („націоналный парламент“), што є в роспорї зо Становами Світового конґресу Русинів, цілём якого є зъєдиняти сполоченьско-културны (а не політічны) орґанізації карпатьскых Русинів з розлічных країн. Такым способом Сойм і ёго представитель Михайло Алмашій самы ся діскваліфіковали з членства у Світовім конґресї Русинів і Світовій радї Русинів. Світова рада Русинів вырїшыла, жебы будучім представителём СКР за Україну ся стала новостворена асоціація двох або трёх орґанізацій. В сучасности тоту асоціацію репрезентує М. Бобинець (председа єдной із орґанізацій Сойму) і якый буде як позорователь (без права голосованя) на засїданях Світовой рады Русинів до 10. Світового конґресу Русинів.                        

Одповідны: вшыткы члены СРР

8. Беручі до увагы формованя новой орґанізації Русинів у Чеській републіцї, треба обговорити, хто в будучности буде репрезентовати тоту країну у Світовім конґресї Русинів: сучасна орґанізація (Společnost přátel Podkarpatské Rusi), або нова (Klub Rusyniv), або асоціація дакількох орґанізацій.

Одповідны: А. Пілатова, Д. Папуґа, В. Противняк

9. Представитель Русиньской оброды на Словеньску (РОС) В. Противняк предложыв устно і писмово выпис із резолуції Выконного выбору РОС з 11. 12. 2008 у Пряшові, де ся в пунктї 42/08 пише: „Членове ВВ РОС ся узнесли, же черяня членства РОС із САРО кажды два рокы у СРР не акцептують з прічіны:

а) зато, же было міцне порушіня Станов СРР (позн.: такы не екзістують), де было змінене узнесїня із засїданя СКР, де было схвалене членство РОС в СКР і зложіня делеґації за Словеньско,

б ) з почеряным Узнесінём членове ВВ РОС не суть згодны.“

Председа Світовой рады Русинів ся мусить стрїтити з председами і челныма представителями обидвох орґанізацій, котры репрезентують Словакію (РОС і Словеньской асоціації русиньскых орґанізацій), абы дорїшыти тот вопрос.

Термін: до 17. децембра 2008                                                                      Одповідный: П. Р. Маґочій

10. Надале платить резолуція, жебы ся створёвали секції молодых у членьскых орґанізаціях СКР, котры бы наберали скусености од старшых а поступно могли самостатно робити. Самособов, кідь о то представителї русиньской молодежи в окремых країнах проявлять інтерес.

Термін: сталый                                                                                      Одповідный: каждый член СРР

11. Надале платить, же кажда членьска країна СКР бы мала предложыти план акцій і дїятельства перед списованём жытельства в окремых країнах в роцї 2010 – 2011.

Термін: до 13. фебруара 2009                                                           Одповідный: каждый член СРР

12. Постарати ся о то, жебы в реґіонах, де жыють Русины, были міджі комісарями списованя главно Русины.

Термін: до списованя жытельства в окремых країнах          Одповідный: каждый член СРР

13. Было вырїшено, же найблизше засїданя СРР буде в Пряшові (Словеньско), a то в семінарній містности Інштітуту русиньского языка і културы Пряшівской універзіты в Пряшові (500 м од готела Дукля) на Намістю леґіонарїв ч. 3 од 9.30 до 12.00 год.

Термін: 13. фебруара 2009                                                    Одповідны: В. Противняк, А. Зозуляк