|
5. Дале платить пункт попереднёй резолуції – за кажду членьску орґанізацію СКР може іти до споминаного табора по 9 дїтей і єдна доросла особа як дорповод. Мена, призвіска і чісла паспортів треба наголосити выконному секретарёви СРР, а тот потім А. Копчови. Термін: до 15. мая 2009 Одповідный: каждый член СРР
6. Світова рада Русинів прияла (з мінімалныма змінами) пропованый текст писма приправленый председом СРР П. Р. Маґочіём односно списованя жытельства 2011 року на Українї. Писмо буде послане компететным штруктурам Україны і Европской унії. Ю. Фірцак доручіть председови СРР адресы компететных орґанів Европской унії.. Одповідны: П. Р. Маґочій, Ю. Фірцак
7. Было вырїшено, же Світова рада Русинів дасть пропозіцію 10. Світовому конґресу Русинів зволити нового представителя СКР за Україну. Причінов того є факт, же „Сойм подкарпатськых русинов“ выголосив ся як політічна орґанізація, што є протів Становам Світового конґресу Русинів. Такым способом Сойм і ёго представитель Михайло Алмашій самы ся діскваліфіковали з членства у Світовім конґресї Русинів і Світовій радї Русинів.Треба але до конґресу предложыти пропозіцію о змінї і написати в чім конкретно порушив Становы СКР „Сойм подкарпатських русинов“ і ёго представитель у Світовій радї Русинів. Было вырїшено, жебы будучім представителём СКР за Україуну стала новостворена асоціація двох або трёх орґанізацій. До того засіданя была Світовій радї Русинів предложена офіціална реґістрація і становы двох на Українї културно-освітных русиньскых орґанізацій: „Закарпатського обласного обєднання громадян „Крайове товариство подкарпатських русинів“ на челї з Миколом Бобинцём і „Закарпатського обласного благонадійного фонду „Русиньска школа“ на челї з Валеріём Падяком. Одповідны: П. Р. Маґочій, А. Зозуляк
8. Беручі до увагы формованя новой русиньской орґанізації у Чеській републіцї, А Пілатова дала прпозіцію, жебы Клуб Русинів і приятелїв Підкарпатьской Руси написав писмо председови СРР односно приятя за Чеську республіку той орґанізації до Світового конґресу Русинів. Потім председа СРР напише писмо до „Společnosti přátel Podkarpatské Rusi“ з вопросом, ці суть согласны, жебы Клуб Русинів і приятелїв Підкарпатьской Руси їх замінив у Світовім конґресї Русинів. Термін: до 30. апріля 2009 Одповідны: П. Р. Маґочій, А. Пілатова
9. Члены СРР голосованём і векшынов голосів (6 – за, 2 – проти, 1 – стримав ся голосованя) підтвердили прінціп ротації (черяня) односно заступлїня Словакії у СРР, а то так, же на два рокы члена СРР выберать Русиньска оброда на Словеньску, потім на далшы два рокы – Словеньска асоціація русиньскых орґанізацій. Тото голосованя лем підтвердило рїшіня, котре было єдноголосно прияте СРР іщі 23. фебруара 2007 і написане в писмі із 9. марца 2007 (копія ся прикладать). То значіть, же од 10. до 11. СКР Русинів Словакії буде заступати в СРР представитель САРО. О тім, ці буде ся черяти і кількость делеґатів за Русиньску оброду на Словеньску (РОС) і Словеньску асоціацію русиньскых орґанізацій 6 : 4 ся не голосовало, также зістає в платности то, што было вырїшено перед тым, же веце делеґатів буде за РОС.
10. Дале зіставать в платности пункт попереднёй резолуція, жебы ся створёвали секції молодых у членьскых орґанізаціях СКР, котры бы наберали скусености од старшых а поступно могли самостатно робити. Самособов, кідь о то представителї русиньской молодежи в окремых країнах проявлять інтерес. Термін: сталый Одповідный: каждый член СРР
11. Дале платить пункт попереднёй резолуції, же кажда членьска країна СКР бы мала предложыти план акцій і діятельства перед списованём жытельства в окремых країнах в роцї 2010 – 2011, як то єдина до даного терміну зроила і на засіданю предложыла Русиньска оброда на Словеньску. Планы треба послати выконному секретарёви СРР а тот остатным членам СРР. Термін: до 15. марца 2009 Одповідный: каждый член СРР
12. Дале платить пункт попереднёй резолуції, же треба ся постарати о то, жебы міджі тыма, што в реґіонах, де жыють Русины, были комісарями списованя главно Русины. Термін: до списованя жытельства в окремых країнах Одповідный: каждый член СРР
13. Было вырїшено, же найближше засіданя СРР буде у Руськім Керестурї в Сербії у рамках 10. світового конґресового засїданя Русинів. Термін: 4. – 7. юна 2009 Одповідны: П. Р. Маґочій, В. Папуґа |