27. юна 2010 у Міджілабірцях взникла перша русиньска новинарьска орґанізація, а то Асоціація русиньскых новинарїв (АРУН). У своїх зачатках буде ся актівізовати в рамках Світового конґресу Русинів. АРУН была основана на засїданю комісії СКР про інформованя і выдавательску роботу, котре вів єй председа Владимір Дудаш. Важным пунктом были вольбы до орґанів АРУН. За председнічку была зволена Єлена Перковіч із Сербії, за підпредседкыню Маріанна Лявинець із Мадярьска а за таёмнічку Сілвія Лысинова зо Словеньска. Вшыткым зволеным до функцій у новій орґанізації треба лем пожелати много успіхів у їх роботї.