21. юла 2009 в Музею русиньской културы в Пряшові было засїданя новой русиньской орґанізації на Словеньску – Здружіня Русинів Словеньска (ЗРС), котре было зареґістроване на Міністерстві внутра СР 28. 1. 2009. На тім засїданю быв зволеный выконный орґан ЗРС у зложіню: Растїслав Зима (председа), Славомір Гиряк (підпредседа) і членове: Миколай Коневал. Миколай Мытник і Марія Сілвестрі. Членьска громада на зачаток свого діятельства поставила перед себа ширї главны задачі, де на першім місцю домінує сполупраца з Музеём русиньской културы в Пряшові при пропаґованю, охранї і презентації главно културных і духовных цінностей Русинів, помаганя при выскумі і документованю русиньской історії.