Русиньска оброда на Словеньску не познать і не хоче познати такы теrміны, як демокрація і плуралізм, она ся вернула до часів тоталітного режіму. Ведь не може быти вольба председы Русиньской оброды на Словеньску (РОС) споміджі єдиного кандітата – то є тоталіта!, а нияка демокрація. Я ся „чудую“, же Владмір Противняк ся зась взяв кандідовати на председу РОС, котрого „на смїх“ называють „іґелітіка“, бо місто того, жебы быв выступив із прінціпіалным приговом на будь-якій акції, роздає в іґелітцї пропаґачны матерілы. Є то ганьба!!! Уж му присхла навсе прозывка „іґелїітка“.

Але не о тім сьме хотїли говорити, але о тім, як ся му подарило зо своїма сукменёвцями просадити клавзулу в Становах РОС, же воленый за председу РОС може быти лем тот, што быв пропонованый послїднім засіданём кородіначного выбору перед Сеймом РОС (теперь сейм быв 17. децембра 2011 у Гуменнім). Як мі повів Мілан Мнягончак позванку на спомянуте засїданя дістав, респ. машов ю у поштовій скриньцї в часї по скінчіню засїданя того орґану, без поштовой знамкы, то значіть: была му шмарена лем в день засїданя або по нім, таже „так ся дають шансы конкуренціЇ!!!“, бо лїпше повіжено тоталіта не потребую конкуренцію, она сі выстачіть із освіченым „бабраками“. І так ся стало „велике чудо“ споміджі єдного кандідаты быв зволеный єдиный староновый председа, якый на тій функції, думам, „хотїв бы зістати“ до своёй смерти, можно, ся му то і подарить за сучасного складу челных представителїв РОС. Лем сам бы сі мав усвідомити, же не мать способности на выконованя функції председа РОС. Зато „фалошно“ Інж. Міланови Мнягончакови пропоновав стати кандідатом на председу сам підпредседа РОС у маю рото року, як ня інформова М. Мнягочак, але в потім „обернув кабат, як є то обычайно у слабых лідрів!“ Він дав му тоту пропозіцію, од котройн пізнїше „оскочів“, і такы суть русинькы „ лідры“!