1. Мено, призвіско, тітул. 2. Рік і місто народжіня. 3. Народность. 4. Професія/Освіта. 5. Походжіня: мате русиньске корїня? (Кідь нїт, то яке?) 6. Знали сьте передтым дашто о Русинах? 7. Чом сьте ся приголосили на Studium Carpato-Ruthenorum? 8. Є про Вас русиньскый язык тяжкый? 9. Як оцїнюєте цїлкову уровень третёго річника Studium Carpato-Ruthenorum? (плусы, мінусы). 10. Пасовала Вам така форма навчаня? 11. Што, подля Вас, бы ся могло змінити при орґанізованю далшых річників? (Вашы пропозіції). 12. О котры дісціпліны з карпаторусиністікы бы сьте в будучности мали інтерес? 13. Як сьте были спокійны із супроводныма акціями проєкту? (Вашы далшы пропозіції). 14. Взяли бы сьте участь на такім проєктї і в будучности? На тоты вопросы на тот раз одповіло четверо штудентів зо Споєных штатів америцькых.

1. Хрістіна Ліу
2. 1993, Пенсіванія
3. Америцька.
4. Штудую антрополоґію на Універзітї Кларіон в Пенсілванії. Штудії бы єм хотїла скінчіти на ярь 2015 року.
5. Гей, моя прабабка пришла до Америкы зо Словеньска як Русинка, конкретно зо села Габура.
6. Покы іде о історію Русинів, то не зналам ніч. Кідь єм выростала, моя бабка практізовала даякы традіції і так сьме мали на столї традічнy русиньскy їдлa.
7. З особных, але і академічных причін. Хотїла єм ся дачому приучіти о моїх предках і стрітити ся з дакотрыма людми з моёй родины. Выужыю тоты мої недавны позорованя і скушености, жебы єм написала научну роботу на універзітї, де штудую.
8. Гей, была тяжка, глано зато, бо єм не мала попередны скушености з русиньскым языком. Наперек тому єм ся за тот короткый час научіла много і, вірю, же буду продовжовати в учіню ся русиньского языка і в будучности.
9. Цíлково, лїтня школа была ужасна скушеность і прекрасна нагода научіти ся дашто о културї Русинів.
10. Вірю, же єм была способна штонайвеце ся научіть од нашых трёх професорїв. Є много історії і културы, котра оточує Русинів а професоры одвели добру роботу, абы сьме здобыли штонайвеце інформацій.
11. Рада бы єм запропоновала, жебы участници школы в будучности мали веце вольного часу, абы могли зробити і ґенеалоґічне баданя, путовати незавісло і на іншы місця, або лем порозуміти векшыну з тото множество інформації, котры сьме здобыли. A, можно кібы сьме мали єдну годину русиньского языка рано, а єдну пообідї, так бы сьме были в контактї з русиньскым языком двараз денно.
12. Вшыткы дісціпліны, котры сьме мали, суть інтересны і рада бы єм продовжовала в штудіях історії, културы і языка Русинів.
13. Вшыткы екскурзії ся мі любили, котры про нас были напланованы. Моя єдина рада бы была, жебы ся ішло і до Польська, намісто Україны, де є проблематічне з переходом граніцї. Барз бы ня інтересовав лемківскый реґіон.
14. Кібы то было продовжіня лїтнёй школы, то наісто бы ня то інтересовало.

1. Сараг Латанишин 2. 1980, Кноксвіл, Тенесі, США.
3. Aмерицька.
4. PhD, штудент етномузеколоґії.
5. Гей, ¼ Лемко/Русин, можно, ½.
6. Гей, але лем то, што єм ся навчіла, кідь єм робила баданя ку моїй маґістерьскій роботї о музицї Лемків і їх културній ідентітї. Выростала єм так, же єм прияла, же єм Українка.
7. На лїтню школу єм ся приголосила з многых причін: дістати шанцу конечно іти за граніцю (за океан); быти барз близко села (або што з нёго зістало) в Польску, де мій дїдо вбыростав; процвічіти сі свої языковы способности, главно, кідь ся робить eтномузоколоґічна робота в теренї (главно в одношіню з музиков і танцювалныма ґрупам, котры роблять „Lemkoneso“) ; a конечно взати ся благобыту і зажыти даяке добродружство.
8. Не барз, лем там, де ся высловность і акцент одрізняють од російсского языка.
9. Цїлково, была то про мене барз позітівна скушеность. Думам, же лем з фінанчного погляду то могло быти орґанізоване кус лїпше, бо дістала єм лем часточну штіпендію і не знала єм, ці мій ґрант быв посланый, або ніт, зато єм была в неістотї. Але вшытко было впорядку.
10. Гей. Вшыткы професоры были файны, хоць різныма способами мож повістри, же суть одборниками у своїх дісціплінах.
11. Змінила бы єм термін моёй дорогы до Ужгороду почас першого вікенду (барз баную, же сьме не ішли). Веце часу было требало на Бардіёв. Найменше єден день в тыждню, кібы сьме мали веце вольного часу, абы сьме могли придїлены цімру попрятати, купити поштовы карткы, новинкы прочітати ітд.
12. Інтересовали бы ня годины літератруры, уменя і музикы.
13. Гей, вшыткы екзкурзії были красны. Пропозіції до будучности: веце співу, народной музикы, научіти ся красты народны танцї, екскурзія до лемківского реґіону, ґенеалоґічный воркшоп, де бы сьме ся дізнали, якы службы суть доступны в архівах ідт.
14. В близкій будучности? Нїт – універзіта, де штудую, фунґує в кварталній сістемі, также на лїтню шлколу єм пришла такой по скінчіня навчаня. В іділічній будучности? Гей, главно, кідь бы єм знала пересвядчіти дакого з родины, жебы пришов зо мнов і кібы была екскурзія до лемківского реґіону.

1. Джесіка Маркусен
2. 1988, Іёва, США.
3. Aмерицька.
4. Бакаларь – історія, історія уменя і музеолоґія.
5. Гей, мої прародічі з маминой стороны были Русины, мої деалшы корїня суть норьскы і даньскы.
6. Нїт, не вшытко, покы о моїх шкандівавскых предках єм знала вшытко. v 7. Зато єм ся приголосила на лїтню школу, бо єм хотїла знати веце о традіціях моїх парародічів і о містах, де жыли. Є тяжко (главно в тій области США, де жыю) найти можности, де бы ся дало дашто дізнати о русинькій култрурї. Лїтня школа ся мі явила як барз добра можность, котра мі дала лїпшы інформації о моїх русиньскых корїнях.
8. Гей, Галина (позн. ред.: єдна з учітелёк з Польска) была барз терпезлива з нами, барз креатрівна і практічна у навчанї. Єм їй зато барз вдячна.
9. Не розумлю вопросу.
10. Барз ся мі любив штіл навчаня Галины і Пат (позн. ред.: далша учітелька, проф. Патріція Кравчіїк зо США) о русиньскім языку і фолклорї. Галина была барз креатівна. На вшыткых єй годинах сьме мали ґраматіку, засобу слов, писаня, співаня, конверзацію, културу, бісїду. Зато, же годины были такы пестры, чула єм, же єм ся научіла много. Єй порозумлїня, терпезливость, поміч і змысел про гумор тыж позітівно приспіли к моёму штудованю.Так барз сьме єй вдячны, же зоставила про нас штудентів учебник, котрый є бар хосенный. Тым ся стало учіня чуджого языка намного легше, як бы сьме поужывали нормалну книжку на універзітї. Што ся тыкать фоклору, барз єм оцїнила основы, котры на кажду годину про нас приготовила Пат. Taк легше было слїдовати єй выступ. Ефектівно і барз добрї было, же штуденты ся могли просити почас цїлой годины. Была єм несподївана з годин історії, котры были барз „сухы“ і складали ся з барз великого множества інформацій. Не любило ся мі, же не была інтеракція. Не могли сьме ся просити почас годины і было тыжко ся дашто научіти. Но поужываня мап было напомічне.
11. Єден вольный день до тыждня участниви лїтнёй школы могли ся іти попозерати до сіл своїх предків, іти до Кошіць, одпочівати, учіти ся ітд. Ескурзія до Ужгороду бы не мала быти в послїднїй день. Є то много путованя про североамерицькых штудентів, котры потім летять 20-25 годин домів на другый день. Веце часу требало присвятити Бардеёву. Вызерало то як прекрасне історічне містечко, але мы сьме відїти лем музей ікон.
12. Язык, фоклор, музика, переселенство.
13. З векшой міры гей. Aле многораз єм ся чула, же єм ся мусила понагляти, зато желала бы єм сі, жебы сьме мали веце чысу на купованя дарунків, главно ручнї выробеных артефактрів.
14. Нїт. Не виджу змысел, жебы єм пришла іщі раз, кідь проґрам буде лем повторїнём (главно годин історії, фоклору і екскурзії). Пришла бы єм зась, кібы єм могла ходити лем на годины языка і будовати на тім, што єм ся научіла попереднїй рік.

1. Чарз Шнайдер
2. 1945, Бетлегем, Пенсілванія.
3. Aмерицька.
4. Пензіста, БЦ із хемії.
5. Гей, 50 % єм Русином.
6. Барз мало.
7. Жебы єм знав веце о моїх русиньскых корїнёх.
8. Гей, главно зато, бо не мам скушености зо славяньскыма языками.
9. Учітелї были професіоналы, добре приправлены, малы розсяглы знаня о історії, културї і языка Русинів.
10. Вшыткы лекції были барз добры, но не мусила быти така довга перерва міджі годинами історії. Кібы то не быв проблем про учітелїв, іщі бы требало єдну годину языка і єдну годину історії пообідї. Барз єм спокійный з годинами языка, бо єм не нам попереднї скушености.
11. Вшыткы інштрукції были добры, но было бы добрї, кібы сьме такой на зачатку дістали мапу Пряшова.
12. Годины орьєнтованы на ґенеалоґію.
13. Гей, екскурзії были барз добры. Вільный день почас тыждня (середа) бы поміг, бо втогды є продовженый час в інштітуціях. Наплановати бы ся дало на суботу. Не плануйте великы екзкурзії на суботу перед нашым одходом.
14. Гей.


Припомінка: Почас каждого проєкту суть плусы і мінусы. Лїтня шкоїла дотеперь мала веце плусім, як мінусів.