Oд 20. марца до 18. апріля 2013 у просторах ФотоҐалерії НОВА у Верейній книжніцї Яна Бокація у Кошіцях на ул. Главній 48 была одкрыта выставка знамого пряшівского фотоґрафа і выдавателя, Русина Ладїслава Цупера з Пряшова – Карпатьскы мотівы.

При отворїню той выставкы была і презентація найновшой фотоґрафічной публікації автора – КАРПАТЫ споєна з бесїдов із ним. Експозіція выставкы ся складать з высше 20 великоформатных фотоґрафій, котры захоплюють прекрасну природу штирёх країн карпатьского облука (Словеньско, Польско, Україна а Румуньско). Акція проходила в рамках 14. річника традічной цїлословеньской акції Тыждень словеньскых книжніць.
Веце о авторови: www.vkjb.sk