25. новембра 2009 у Руськім домі на ул. Главній 62 у Пряшові „Aсоціація україністів Словаччини“ вєдно з далшыма україньскыма орґанізаціями і інштітуціами приправила робочій семінарь під назвов ДЕСЯТЬ ДЕВЯТДЕСЯТНИКІВ, присвяченый вызнамным діятелям наукы і култури, якых перше ідентіфіковали або ся самы ідентіфіковали, як Українцї, а пізнїше Русины-Українцї, але вшыткы єднозначно мають русиньске коріня. Іде о тоты особность, што ся народили в 1919 роцї:
1. Гвоздяк Ладіслав із Великого Липника – фізік.
2. Дубай Орест із Великой Поляны – вытварный умелець.
3. Дулеба Андрій із Бенядыковець – фолклоріста.
4. Кантуляк Михал із Рокытовець – директор радіа.
5. Келло Войтєх із Ціґелкы – хемік.
6. Крайнякова Анна із Красного Броду – учітелька.
7. Новак Михал із Вышнёго Орлика – языкознатель (єдиный жыючій).
8. Рудловчакова Гелена із Мукачова – літературознателька.
9. Стренк Михал із Орябины – вояк-ґерой США.
10. Цімбора Юрій із Свідника – діріґент, збиратель і оброблёватель народных співанок.
На тім семінарї о каждім із них быв прочітаный реферат а в діскусії выступили притомны зо своїма споминами на юбілантів.Частёв семінаря была выставка робот юбілантів і літературы о них. Матеріалы про выставку забезпечіли реферуючі.