16. авґуста 2009 з ініціатівы МО РОС і Културно-освітного общества А. Духновіча в Пряшові была зорґанізована екскурзія по памятных місцях вызнамной особности Русинів – Др. Николая Бескида і ёго родины. Участници екскурзії на зачатку ся заставили при гробі Н. Бескида в Кошіцях, Александра Бескида і ёго жены Ольґы, родженой Фенціковой. Далше заставлїня было в мадярьскім селї Болдоґкеваралї, де є іншталована памятна табла Н. Бескидови на тутешній фарї. Потім члены екскурзії побыли при памятній таблї трёх вызначных Бескидів: Александра, Евґенія і Корнелія на фарї в Абадуйсантові. Послїднёв заставков было місто Енч, де є ґрекокатолицька церьков і перша часть літурґії собі выслухали по церьковнославяньскы.