11. децембра 2010 у Допраставі на Кошіцькій ул. ч. 52 у Братїславі Здружіня інтеліґенції Русинів Словеньска зорґанізолало інтересный семінарь, якый мав два части: Причіны заоставаня Пряшівского самосправного краю (ПСК) і сучасна політічна і економічна сітуація (модератор Александер Дулеба) і Народностны меншыны – богатство ПСК: як пробудити позітівне одношіня молодых людей ку властній меншыновій ідентічности? Комунікачна стратеґія – практічный маркетінґ зо замірянём на повзбуджіня жытельства, жебы ся стотожнило зо своёв меншыновов ідентічностёв в условіях ПСК (модераторка Таня Рундесова). На семінарї выступило ряд реферуючіх і діскутерїв, также мож конштатовати, же семінарь быв інтересный і успішный.