14. новембра 2011 на Урядї влады СР у Братїславі было засїданя членів Выбору про народностны меншыны і етнічны ґрупы (дале лем „Выбор“), де Русинів Словеньска затупали: Інж. Ян Липиньскый і Мґр. Гавриїл Бескид.

Проґрам засїданя быв такый:
1) Привітаня, 2) схвалїня проґраму засїданя, 3) контроля приятых резолуцій із поперетнёй стрічі Выбору, 4) інформація підпредседы Выбору із 3. засїданя Рады влады СР, 5) схвалїня порядку рокованя Выбору, 6) схвалїня додатку ч. 2 Штатуту Выбору, 7) Справа о реалізації додаточного проґраму Култура народностных меншын 2011, 8) план реалізації споминаного проґраму, 9) пропозіція наряджіня влады, котрым ся мінять і доповнює наряджіня влады ч. 221/199 Зб. з., котрым ся выдає список сел, у якых жытелї, што належать ку народностній меншынї, творять найменше 20 % жытелїв села; 10) оцїночны справы подля ст. 3, бук. ф) аж г) Штатуту Выбору, 11) третя періодічна справа о імплементації Европской харты реґіоналных або меншыновых языків, 12) пізне: а) пропозіція закона о фінанцованю култур народностных меншын – обща діскусія, б) резолуція Выбору міністрів Рады Европы о імплементації Рамкового договору на охрану народностных меншын – обща діскусія, 13) заключна діскусія: а) пропозіція на переменованя СНМ – Музею русиньской културы у Свіднику на СНМ – Музей русиньской културы у Свіднику а СНМ – Музею русиньской културы в Пряшові на Музей україньской културы у Пряшові (предложыв Мґр. Ян Калиняк, член Выбору), б) пропозіція на приятя за члена комісії на оцїнёваня проєктів і штатной фінанчной помочі про народностны меншыны (предложыв Мґр. Ян Калиняк), в) пропозіція на выданя заказу евідованя такых обчаньскых здружіня на МК СР, створёваня такых штатных културно-сполоченьскых інштітуцій на МК СР і фінанцованя такых проєктів із роспочту Уряду влады СР, КОТРЫ СУТЬ ЗАМІРЯНЫ НА УКРАЇНІЗАЦІЮ РУСИНЬСКОЙ НАРОДНОСТНОЙ МЕНШЫНЫ НА СЛОВЕНЬСКУ (предложытель: Мґр. Ян Калиняк), г) пропозія на переменованя храмів выходного обряду в Централній евіденції Народных културных памяток із „костелів“ на „церькви“ (предложыв Мґр. Ян Калиняк).

Нас інтересовало, як были обговорены і вырїшены три підпункты 13) пункту – діскусія. Председа Выбору і підпредседа влады СР стягнув тоты підпункты зо засїданя про непритомности предложытеля. Мґр. Гавриїл Бескид як наградник Выбору за русиньску народностну меншыну высвітлив, же заступать пана Калиняка і же з пунктами в) і г) є в повній мірї согласный, пропозіцію з підпуктом а) стягнув пан Бескид із проґраму і підложыв то своёв прозіціёв, а ку підпукту б) мав припомінкы з причіны достаточного чісла незавіслых представителїв, членство преставителїв Выбору в далшых комісіях поважує за кумулованя можностей овпливнёвати окремых людей, што поважує за недемократічне; высловив ся, же члены Выбору можуть быти притомны, але без права голосованя; фінанції із дотачного проґраму, жебы мали быти выужыты на розвой языковой културы на ново створеных русиньскых школах, і высловив думку, же НАРОДНОСТЬ, КОТРА СЯ НЕ УЧІТЬ У СВОЇМ МАТЕРИНЬСКІМ ЯЗЫКУ, Є ПЕРЕД ЗАНИКОМ!