29. марца 2011 Містна орґанізація в Міджілабірцях Русиньской оброды на Словеньску (МО РОС) мала своє вырочне членьске засїданя. Справу о діятельстві за послїднї рокы прочітав підпредседа орґанізації Мґр. Александер Франко, котрый конштатовав, же успішны были главно културны події в рамках Фестівалу културы і шпорту, конкурзы Співы мого роду, концерты Рутенія і т. д. Робота была успішна у запоїню школярів ОУШ до декламації в рамках цїлословеньского конкурзу Духновічів Пряшів, в проєктї Погляды до русиньской історії Лабірщіны, в музично-драматічных проґрамах Зимна приповідка і Снїгурочка, Заповідї русиньскых діятелїв А. Добряньского, М. Вацлавского і уменя Е. Варгола, у выставцї Князь Лаборець в красній літерату і т. д. Єдным з головных пунктів засїданя Русинів у Міджілабірцях было списованя людей к 21. маю 2011, але были спомянуты і актівности МО РОС у далшім періодї. За найважнїшу задачу лабірьскы Русины поважують роботу з молодежов, бо навчаня русиньского языка б їх м істї є лем на єдніїй ОШ, а то на ул. Коменьского, де ся тот язык учіть 30 школярїв. По діскусії была святочна часть засїданя, в котрій за актівну роботу были оцїнены діпломами: Мґр. І. Мелнічакова, П. Ґреґова, ПгДр. Л. Масіова, Мґр. А. Лабікова, А. Дзурёва, Мґр. В. Мадярова, ПгДр. В. Тарча, М. Гощак, М. Ребей (ін меморіам). На конець події быв схваленый новый выбор МО РОС і за председу быв зволеный Мґр. А. Франко. До нового выбору были зволены і штуденты зо школьскых парламентів Ґімнмазії і Серенёй одборной школы Енді Варгола в Міджілабірцях. Засїданя скінчіло приятям резолуції.