14. фебруара 2011 у класї Інштітуту русиньского языка і културы Пряшівской універзіты в Пряшові были членьска громада Словеньской асоціації русиньскых орґанізацій (САРО).
Главныма пунктами тых сходин были:
1. Приятя новых членьскых орґанізацій до САРО, а то Окресной орґанізації Русиньской оброды у Свіднику і Сполку русиньскых писателїв Словеньска, чім ся САРО роспосло і теперь мать 8 членьскых орґанізацій.
2. Контроля повнїня резолуції з послїдной громады САРО.
3. Інформації о діятельстві окремых членьскых орґанізацій САРО.
4. Інформації о зреалізованых і приправлёваных акція ку списованю людей ку 21. маю 2011.
5. Вольба ногого 3-членного выконного выбору САРО на далшы два рокы у зложіню: Александер Зозуляк (председа), Гавриіл Бескид (підпредседа) і Аліца Вєтошевова (касірка).
6. Вольба новой 3-членной ревізной і контролной комісії САРО у зложіню: Петро Крайняк, ст. (председа), Іван Русинко і Анна Плїшкова (члены). 7. Вольба 4 делеґатів за САРО на 11. засїданя Світового конґресу Русинів 17. – 19. юна 2011 у Будапештї в зложіню: Гавриіл Бескид, Ян Калиняк і Мірослава Дзубова (наградкынї Зденка Цітрякова і Марта Сушкова).
8. Приятя резолуції зо засїданя САРО (публікуєме ю цїлу у прилозї).

РЕЗОЛУЦІЯ із членьской громады Словеньской асоціації русиньскых орґанізацій (САРО) 14. фебруара 2011 у Пряшові
Притомны представителї САРО конштатовали:
1. Заникла єдна з членьскых орґанізацій САРО, конкретно Сполок русиньской молодежи Словеньска за председованя Алены Блыховой.
2. Є умертвлена орґанізація Руськый клуб – 1923 на челї з председом Гавриілом Бескидом, але зачав ся суд, котрый бы мав потвердити праві правоплатность той орґанізації, не такой істой орґанізації на челї зо Штефаном Секераком.
3. Є слабша актівность цілостной САРО, хоць тота орґанізація была сполуорґанізатором наприклад великой і потребной Мііджінародной лїтнёй школы русиньского языка і културы на Пряшівскій універзітї у 2010 роцї. Окремы членьскы орґанізації в силах своїй можностей актівно діють.