(Публікуєме в оріґіналї, uverejňujeme v originály)

Мы, то сут членове выбору про народностны меншыны Рады влады СР, директоры, председа і таёмник ОСРС, русинськы політиці і нашы спозоры. То сут вышшы і мудрішы компетенції, як має председа РОС. Хоч є воленый. В тых шыткых статях ся веную проблематикі с погляду русинского музейництва і етнолоґії, бо то є проблем од 1989 року іші недорішеный. С політичных причін. Я ту дома. Школску проблематику най розбігуют учітелі і тоты, што сут в школстві дома. Я николи небыв проти. Сутяж в преднесі в русинскым языку розбігнув я у Свиднику, як председа ОО РО Свидник і працовник одбору школства ОУ Свидник. Аж по двох роках од нас, зо Свидника, з моїм сугласом, тоту сутяж перевзяли до Прешова РОС, але не роблят так, жебы с того мали хосен русинскы школы, але то роблят про хосен працовників РОС. Богу жаль. А то ся мі абсолутні не любит. Я не зато пишу о Выборі бо я там член, але зато, бо Выбор має правну штатну силу а тоту хочу выужыти в проспех русинского музейництва, докля єм там, што поважую за справне. До выбору мене навргли а я понуку прияв, бо єм ся ганьбив повісти не. Але дале уж не хочу быти. Зато так тлачу, бо хочу дорішіти музейництво, покы єм во Выборі, бо мам доєм, же нихто то непорішыт, як я то зохаблю плавати. Виджу тепер, як ся даст народ баламутити в області музейництва, а як легко народ налетит на навнаду, жебы одбочіти од справного русинского музейництва, до пропасті. Тото ся мі не пачіт. А кед єм ту у Выборі, так ся подля того і ховам, жебы єм порішыв аспонь тото, чому розумлю. Так ся най ховат каждый, хто приде по мі до Выбору, вірю же буде в дачім ай одборник, паприклад в школстві, а най каждый вымагат уцту ку тій штатній функції зо страны тых, котры ся вытягуют над їм дану норму. А тым думам на неоподстатнену намысленость председу РОС. Членам Выбору треба помагати.