Počasie
• • •
Internetové noviny
Uverejnené názory dopisovateľov nemusia byť totožné s názormi redakcie.
Опублікованы погляды дописователїв не мусять быти згодны з поглядами редакції.
Uverejnené názory dopisovateľov nemusia byť totožné s názormi redakcie.
Опублікованы погляды дописователїв не мусять быти згодны з поглядами редакції.
Новинкы • Noviny • News 26/2009
Русин МУДр. Ян Клёц, ПгД., оціненый
21. 12. 2009 на Великій сценї Театру Йонаша Заборьского у Пряшові было святочне удїлёваня Цін Пряшівского самосправого краю (ПСК) і Цін председы ПСК за рік 2009. Прімар ортопедічного оддїлїня ФНзП Я. А. Раймана в Пряшові, МУДр. Ян Клёц, ПгД., перебрав з рук председы Пряшівского самосправного краю, МУДр. Петра Худіка Головну цїну председы ПСК за довгорічный іноватівный приступ ку лїчіню ортопедічных хворот і заваджаня новых операчных поступів.
С. Л.Популарна Рутеніка – в Гуменнім
20. децембра 2009 Русиньска оброда на Словеньску в сполупраці з Вігорлатьскым освітным центром, фоклорным колектівом Хемлон Гуменне і Пріватным центром вольного часу в Птічім зорґанізовали в споминанім центрї рождественный концерт лавреатів фестівалу Співы мого роду і дїтьского фоклорного колектіву Хемлонячік – РУТЕНІКА.
Заробок із концерту быв подарованый родинї Мірослава Мацка, помершого співака співацькой ґрупы ФҐ Хемлон – Гачуре.
С. Л.По колядцї з Гачурами
19. децембра 2009 Вігорлатьскый освітный центер у Гуменнім у своїх просторах орах вєдно з фоклорным колектівом Хемлон Гуменне приправили святочный концерт із нагоды 10. років екзістенції співацькой ґрупы Гачуре.Шестый семінарь карпаторусиністікы
17. децембра 2009 на Пряшівскій універзітї в Пряшові Інштітут русиньского языка і културы зорґанізовав шестый Научный семінарь карпаторусиністікы. Темов семінаря быв Статус русиньской народности в контекстї сучасного общественного двиганя на Підкарпатю, з яков выступив директор Выскумного центра карпатістікы в Ужгородї, Мґр. Валерій Падяк, к. н.. У своїм годиновім выступі В. Падяк назначів основны внуторны і вонкашнї факторы, якы детермінують розвой русиньского руху на Українї в сучасности і впливають на ёго выслїдкы.В рождественный час – Колыска і криж
10. децембра была перша, 12. децембра – друга премєра, 18. децембра 2009 – далше выступлїня а 5. януара 2010, перед Святым вечером подля юліаньского календаря, буде четверте выступлїня Піддукляньского умелецького народного ансамблю на малій сценї Театру Йонаша Заборьского в Пряшові, чім ся завершыть цікл выступлїнь у рамках привітаня Рождества Хрістового.