Новинкы • Noviny • News 3/2010

• Літературны таленты 2010

  15. марца 2010 є послїднїй день одовзданя літературных творів до 30. річника реґіоналного конкурзу непрофесіоналных авторів під назвов Літературны таленты 2010, котры пишуть в языку словеньскім або языках народностных меншын, у тым чіслї і русиньскім, котрый орґанізує Вігорлатьска книжніця. До конкурзу ся можуть приголосити непрофесіоналны авторы у вшыткых віковых катеґоріях з окресів Гуменне, Снина і Мiджілабірцї. Літературны роботы до сутяжі треба посылати на адресу: Vihorlatská knižnica, Nám. slobody 50, 066 80 Humenné, з геслом Literárne talenty.

• Богатый на книжкы конець рока

  В децембрї 2009 року вышло дакілько книжок у русиньскім языку, але і русиньского писателя по словеньскы а єдна русиньской авторкы в анґліцькім языку. Зачниме з тов поослїднёв, є то научна моноґрафія ПгДр. Анны Плїшковой, ПгД.: Language and National Identity: Rusyns South of Carpathians (Язык і народна ідентіта: Югокарпатьскы Русины). (New York: Columbia University Press, 2009, 230 с.). Дале вышли такы публікації: Русалка: Tворчость молодых авторів (2000 – 2009) (200 с.), Капітолы з історії Русинів на Словенську (192 с.), Світла і тїнї Василя Зозуляка (138 с.), Николай Баскид як субєкт і обєкт історіоґрафії (200 с.), Ozveny: Bájky (168 с.) а Studium Carpato-Ruthenorum 2009 (Штудії з карпаторусиністікы) (152 с.).