Новинкы • Noviny • News 4/2011

• Русины, не забудьте на своє корїня!

  Ку 21. маю 2011 на Словеньску буде списованя людей, квартелїв і домів, яке є про нас Русинів барз важне, бо од того, кілько Русинів ся офіціално пригласить к русиньскій народности, залежыть высота штатной дотації на розвой русиньской културы.

• Премія Александра Духновіча

  Премія в сумі тісяч умерицькых доларів і сошкы бронзового карпатьского медвідя буде дана за нaйлїпшы творы в поезії ці в прозї написаны по русиньскы в роках 2006 – 2010, котры мають право на премію в 2011 роцї. Авторам або выдавателям треба представити і предложыти 3 ексемпларї каждой книжкы з коротков біографіёв, а то найпізнїше до 1. апріля 2011. Членами комісії на посуджованя в роцї 2011 суть: Елейн Русинко (США), Марія Павловская (США), Валерiй Купка (СР).

• Хочете штудовати русиньскый язык?

  28. фебруар i 31. марeц – то суть конечны терміны на поданя приглашок тых, котры хотять штудовати русиньскый язык і літературу в комбінації з іншыма предметами на трёх факултах Пряшівской універзіты (ПУ) у Пряшові.

• Русиньскый язык на основній школї

  В януарї і фебруарї 2011 пройде запис дїтей до 1. класы основных школ про школьскый рік 2011/2012. Од школьского року 1997/1998 є можность записати свої школоповинны дїти на навчаня русиньского языка як неповинного предмету або до кружку русиньского языка, а то уж од 1. класы основной школы.

• Стрїча Русинів і Українцїв

  На 18. децембра 2010 новозаложена політічна партія Наш край скликала у Пряшові-Соліварї стрїчу за округлым столом, главныма ініціаторами котрой были: председнічка партії ПгДр. Люба Кралёва, ПгД., і підпредседа партії Інж. Ян Липиньскый.

• Тріо Тропар

  17. януара 2011 любителї співанок собі пришли на своє, кідь навщівили Піддукляньску книжніцю у Свіднику, де ся одбыла презенатація компактного діску під назвов Пoпозерайме ся на Ісуса, нa котрім суть русиньскы, україньскы і російскы співанкы реліґійного характеру, якы наспівало трio Tропар зо Свідника, в складї: єрей Мґр Мірослав Гуменник – православный парох у селї Кручов, Ломне і Бжаны, Марія Лабікова – бібліотекарьска Піддукляньской книжніцї у Свіднику і Aннa Ванькова – довгорічна працовнічка Воєньского музею у Свіднику.

• Ґалакоцерт Рутеніка

  16. януара 2011 приправила Русиньска оброда на Словеньску (РОС) у сполупраці з Містнов орґанізаціов РОС у Пряшові в кінї Скала нoвoрічный ґалаконцерт під назвов Рутеніка.