Новинкы • Noviny • News 40/2011

• Із фінацованём влады не сьме спокійны!

  Докладно єм сі прочітав статю ку теперїшнёму способу підпоры роботы народностных орґанізацій на Словеньску нелем од авторкы Анны Плїшковой у Народных новинках ч. 8 – 9 / 2011, але і од іншых представителїв різных обчаньскых здружінь. Каждого мерзить роздїлїня на рік 2011, но фінанцованя културы народностных меншын треба відїти в цїлїм обсягу, і я особно віджу много недодуманых вопросів і тверджу, же роздїлёваня грошей із штатной касы є сістема заложена на механічнім приступі, а є при тім і велика бірокрація. Із фінацованём народностей з боку Уряду влады СР не сьме спокійны!

• Русиньске школство ся не споминать!

  Друге засїданя Выбору про народностны меншыны і етнічны ґрупы Рады влады СР одбыло ся 19. септембра 2011 в будові Уряду влады СР у Братїславі.
  Засїданя мало 13 пунктів, котры ся тыкали: Порядку рокованя Выбору, Справы о новелї Закона о поужываню языків народностным меншын, Довгодобой концепції народностной політікы штату, Справы о реалізації дотачного проґраму Култура народностных меншын на рік 2011 і ёго приправа на рік 2012, Справы о приправованых леґіслатівных замірїв к обсягу школьскых законів, Періодічной оцїнюючой справы Выбору за рік 2011, Справы о резолуції ку Рамковому договору о охранї народностных меншын і Третёй справы о імплементації Европской харты реґіоналных або меншыновых языків. Вшыткы пункты проґраму зістали в ставі розроблености і припомінкованя, а суть іщі не закрыты.