Новинкы • Noviny • News 44/2011

• Русины в Карпатах на Словакії

  Міджінародна научна конференція під назвов Русины в Карпатах на Словакії была далшов зо серії акцій, презентуючіх конфесіоналну, народну, языкову і културну ідентіту Русинів в Карпатах, на тот раз Русинів жыючіх на Словакії. Попритім своёв тематіков і обсягом была вкладом до розвоя карпаторусиністікы як наукы і може значіла й крок допереду про перспектівну сполупрацу заінтересованых ученых і інштітуцій, якы репрезентовали. Конференція ся одбыла під покровительством владыкы Др. г. к. ТгДр. Яна Бабяка, ПгД., пряшівского архієпіскопа і митрополиты, в Центрї екуменічной културы Яна Павла ІІ. „Карітас“ у Мічковцях у Польщі 15. октобра 2011 року.

• 20 років Варголового музею в Міджілабірцях

  Музей модерного уменя Енді Варгола ся снажить посередництвом своїх працовників перманентно злїпшовати свою роботу, будовати збірковый фонд, абы сі музей заховав свій статус, репрезентуючі нашу културу дома і за граніцями. В тых інтенціях были реалізованы і ославы 20-річного єствованя музея, котры ся одбыли 21. октобра 2011 в Музею модерного уменя Енді Варгола в Міджілабірцях.