Новинкы • Noviny • News 48/2011

• Нoвы русиньскы книжкы

  Видите обалкы трёх публікацій, якы вышли недавно. Єдну выдав Сполок русиньскых писателїв Словеньска (СРПС) під назвов Мої сны Юрка Харитуна, а далшы два – Академія русиньской културы в СР із центром у Пряшові, а то Углы погляду Миколая Ксеняка і Кадило Осифа Кудзея. До кінця 2011 року СРПС выдасть іщі дві книжкы: Приятелї спід зеленого дуба і белавого неба Кветы Мороховічовой-Цвик і Русиньскый літературный алманах на рік 2011 зоставителькы Кветославы Копоровой.
  

  - р -

• 17. Научный семінар карпаторусиністікы

  Інштітут русиньского языка і културы Пряшівской універзіты в Пряшові зорґанізовав на 24. новембра в засїдалнї деканкы ФГПН ПУ, ул. 17. новембра ч. 1, 17. Научный семінар карпаторусиністікы. З головныма рефератами на тот раз присвяченым 20-ём рокам екзістенції Музею модерного уменя Енді Варгола в Міджілабірцях выступили: екстерный сполупрацовник музею Мґр. Мартін Цубяк і музеоедуколоґ у ММУЕВ ПаедДр. Даньєла Капралёва.