Новинкы • Noviny • News 9/2010

• Премія А. Духновіча од Штефана Чепы

  15. апріль 2010 року буде послїднїм днём посланя вшыткых матеріалів: пропозіції од авторів або выдавателїв, як і 3 екземпларі каждой книжкы з коротков біоґрафіёв автора на адресы членів комісії: 2 екземпларі – Professor Elaine Rusinko (ту і матеріалы про Mariu Pavlovskuju із США), Department of Modern Languages and Linguistics, UMBC, Baltimore, MD 21250, USA, (e-mail: rusinko@umbc.edu), 1 екземплар – Doc. PhDr. Valerij Kupka, Važecká 12, 080 05 Prešov, Slovakia. Премія в сумі 1.000 $ і сошкы карпатьского медвідя („русиньского Оскара“) буде дана тій книжцї красной літературы в русиньскім языку, котра была найлїпша з опублікованых за послїднїх 5 років (од 2005 до 2009).

• Цїны і премії Літературного фонду

  15. марца 2010 є послїднїй термін послати пропозіції і самотны творы з областей: проза, поезія, літературна наука, есеїстіка, література про дїти і молодеж, література факту і драматічны творы релізованы у театрї, розгласї, філмі і телевізії. В рамках Літературного фонду екзістує і Цїна Александра Павловіча за оріґіналный твір у русиньскім языку і за переклад зо словенчіны до русінчіны. З пропозіціями треба послати по 3 фалаткы з каждой книжкы з датами і адресов автора на адресу: Literárny fond, sekcia pre pôvodnú literatúru, Grösslingova 55, 815 40 Bratislava 1.
  Інформації у ПгДр. Анны Бедіовой, тел.: 52 96 35 29, i-мeіл: bediova@litfond.sk

• “Умар наш пайташ – Ярослав Сабол”

  25. фебруарa 2010 у Новім Садї нечекано умер Ярослав Сабол, підпредседа Нaродной рады Русинів Сербії, вызначна особности Руськой маткы, довгорічный русиньскый актівіста у Сербії. Народив ся 29. юла 1951 року у Шідї. Ярослав Сабол быв похованый 27. фебруара 2010 на Новім цінтерю в Новім Садї, чім навсе одышов до вічности, охабивши своїх близкых, жену і дївкы.
  Вічная ёму память!