21. януара 2011 было передано деканови Православной богословской факулты Пряшівской універзіты у Пряшові проф. ТгДр. Янови Зозулякови, ПгД., у Москві Премію Фонду Ёго Преосвященства патріархы Алексія ІІ. за рік 2010 „За барз добре діятельство в упевнёваню єдности православных народів, за підтверджованя і шырїня хріастіаньскых цінностей у сполочности“.
Премія была удїлена на основі рїшіня Міджінародного сполоченьского Фонду єдности православных народів, котрого председом справной рады є Ёго Преосвященство патріарха московскый і цїлок Росії Кіріл.
Каждорічне передаваня тых премій главам штатів, влад і парламентів, главам містных церковлей, вызнамным штатным, церьковным, політічным і сполочностёв узнаваным особностям, як і орґанізаціям і навчалным інштітуціам, особностям културы, ведучім представителям зо сферы подниканя, котры в значній мірї приспіли ку зміцнёваню духовной і културной єдности православных народів, ку посилнїню господарьскых і політічных односин, ку зміцнїню норм реліґійной гуманной моралкы в жывотї православной сполочности, стало ся главным фактором, котрый стімулує глубокы позітівны процесы, зближуючі народы і державы.

-яз-