24. януара 2011 у векшыновім словеньскім 4-тісячовім містечку (при послїднїм списованю людей ся ку Словакам приголосило 95,01 % жытельства, а лем 0,41 % к Русинам) быв зорґанізованый 1. День русиньской културы в залї обрядів і засїдалнї Містьского уряду в Ґіралтівцях (окрес Свідник). В рамках тых днїв была приправлена выставка сатірічных рисунків знамого русиньского карікатурісты Ф. Віца з Пряшова. Так істо ту была выставка русиньской періодічной і неперіодічной пресы, грала русиньска музика а потім у кіносалї быв презентованый знамый оцїненый документарный філм Осадне за участи ёго главных протаґоністів.