6. децембра 2013 у готелї „Bôrik“ у Братїславі буде Народна конференція з нагоды Міджінародного дня людьскых прав, котра ся орґанізує під покровительством міністра загранічных дїл і европскых дїл Словеньской републікы – Мірослава Лайчака.

Од 9:30 до 11:00 притомны будуть мочі послухати вступны выступлїня М. Лайчака, підпредседы влады і міністра высше спомянутого резорту, як і Рудолфа Хмела, председы Выбору Народной рады СР про людьскы права і народностны меншыны. Од 11:20 до 13:00 пройде одкрытый діалоґ під назвов Людьскы права на Словеньску, в якім выступлять компететны представителї: Ольґа Дярфашова, соціолоґічка Факултры соціалных і економічных наук Універзіты Коменьского у Братїславі, Барбара Іллкова, ґенерална директорка секції правной і конзуларной высше спомянутого міністерства і таёмнічка Рады влады СР про людьскы права, народностны меншыны і родову рівность, Франтїшек Нейпауер, председа о. з. Форум крестянскых інштітуцій, Шарлота Пуфферова, выконна директорка о. з. Жетель, демокрація і одповідность, Зузана Сатмарі, выконна і проґрамова директорка Надації Харты 77. Потім буде діскузія, котру буде модеровати Павол Демеш, член выконного выбору Европского фонду про демокрацію.