1. – 2. авґуста 2009 у Монастырьску (Тернопольска область Україны) одбыв ся 11. річник Фестівалу лемківской културы „Дзвоны Лемковины“. В тій области жыє коло 200 тісяч Лемків а в сусідній Івано-Франковскій области далшых коло 45 тісяч Лемків. Также про тоту велику лемківску громаду тот фестівал є велькым каждорічным културно-сполоченьскым святом. На фестівалї, де выступило коло тісяч участників, окрем домашнїх колектівів, выступили і гостї із Сербії – културно-умелецькый колектів „Петро Кузмяк“ із Нового Орахова.