Карпаторусиньскый научный центер в США давать на знамость, же выголошує каждорічну Премію Александра Духновіча за русиньску літературу, котру фінанцує русиньскый добродитель з Торонта – Штефан Чепа. Премія в сумі тісяч доларів і бронзова сошка карпатьского медвідя буде дана за нaйлїпшы творы в поезії ці в прозї писаны по русиньскы, котры были надрукованы за попереднїй 5-річный період.

Премія А. Духновіча помагать хоснованю русиньского языка в творах, котры приносять вызнамный вклад до русиньской красной літературы. Книгы красной літературы і поезії, надрукованы часї од 2009 по 2013 рокы мають право на премію в 2014 роцї. Авторам або выдавателям треба представити і предложыти 3 ексемпларі каждой книжкы з коротков біоґрафіёв. 1 апріль 2014 року буде послїдный день засланя вшыткых матеріалів.
Члены пороты в роцї 2014: Патріція Кравчік (США), Боґдан Горбаль (США), Олена Дуць-Файфер (Польща).
Адреса, де треба посылати книжкы:
2 ексемпларі: Patricia Krafcik, The Evergreen State College, Olympia, Washington 98505 USA (e-mail: krafcikp@evergreen.edu),
1 ексемплар: Olena Duć-Fajfer, ul. Chełmońskiego 72E/13, 31-340 Kraków, Polska