Карпаторусиньскый научный центер в США выголошує каждорічну Премію Александра Духновіча за русиньску літературу од Штефана Чепы. Преміов 1 000 aмерицькых доларів і бронзовов сошков карпатьского медвідя будуть оцїнены нaйлїпшы творы поезії ці прозы написаны по русиньскы, котры были надрукованы за послїднїй 5-річный період.

Премія А. Духновіча помагать хоснованю русиньского языка в творах, котры приносять вызначный вклад до русиньской красной літературы. Премія є фінанцована Штефаном Чепом з Торонта і удїлює ю Карпаторусиньскый научный центер в США. Книгы красной літературы і поезії, надрукованы в роках 2008 – 2012, мають право на премію в роцї 2013. Повинностёв авторів або выдавателїв є представити і предложыти по три екземплары з каждой авторьской книжкы з коротков біоґрафіов автора.

Послїднїм днём засланя вшыткых матеріалів є 1. апріль 2013.
Членами одборной пороты в роцї 2013 суть: Патріція Крафчік (США), Штефан Пю (США), Валерiй Купка (СР).
Адреса, де треба посылати книжкы:
2 екземплары: Professor Patricia Krafcik, The Evergreen State College, Olympia, Washington 98505 USA (e-mail: krafcikp@evergreen.edu) 1 екземплар: doc. PhDr. Valerij Kupka, Važecká 12, 080 05 Prešov