8. авґуста 2009 была унікатна свадьба нелем тым, жеся брали: Канадянка русиньского походжіня Сінді Марія Маґочі а Ір Еймон Джерард О'Деа, котры жыють вєдно в Паріжу. Але зато, же мати Сінді – Марія Маґочі (роджена Чуванова) ся народила в Ольшынкові, Лабірьского окресу, може, і то было вырїшалным про молодых, главно невісту. Як і то, же родічі Сінді ся тыж повінчали на выходї Словакії, причім мати была Русинка а він Америчан русиньского походжіня.Также і такы суть навертаня ся ку родному коріню. В тот день молоду пару вінчали о. Франтїшек Крайняк і о. Мартін Костілник у русиньскій деревянїй церькви в Миролї (окр. Свідник) а свадьбяна гостина была у сканзенї народной архітектуры у Свіднику. Также тота свадьба была наісто велькым зажытком нелем про молодых, їх родичів, родину, але і коло 80 гостїв із 14 країн світа.