8. януара 2010 у засідалнї деканату Філозофічной факулты Пряшівской універзіты в Пряшові на ул. 17. новембра Містный одбор Матіцї словеньской і Містна орґанізація Русиньской оброды на Словеньску в Пряшові зорґанізовали славностный акт підпису Меморандума о взаємной сполупрацї.
У проґрамі славностного акту насамперед прозвучали гімны: Хто за правду горить Матіцї словеньской і русиньска Я Русин быв, єсмъ і буду а потім поетічне слово І. Павліковой за Матіцю словеньску, Ш. Сухый за Русиньску оброду. По святочнім одкрытю і привітаню гостїв было обознамліня з обсягом Меморандума. Зо славностныма приговорами выступили председове обох орґанізацій: ПгДр. Й. Матиско за МО МС в Пряшові і ПгДр. М. Калиняк за МО РОС в Пряшові. Дале обоми провели акт підписаня Меморандуму. В културнім проґрамі выступили фолклорны колектівы обох орґанізацій. Была на конець і пресконференція “Меморандум про людей“ за участи председів обох орґанізацій і позваных гостїв. Модераторками акції были І. Павликова за Матіцю словеньску і С. Лысинова за Русиньску оброду.
По офіціалній части ся про позваных гостїв одбыло славностне Новорiчне посиджіня в їдалні ПУ в Пряшові з богатым рождественым проґрамом, характерізуючі обідві орґанізації. Акція ся одбыла в рамках цілословеньского проєкту Русиньской оброды на Словеньску – Віфлеємскый вечур в Пряшові.