(Публікуєме в оріґіналї, uverejňujeme v originály)

Матеріали пана Яна Калиняка характерізує їх перше речіня:
*«Keďže jem nebyv pozvanyj na teperišnij Svitovyj Kongres Rusýniv, jak člen Vyboru pro narodnostny menšyny i etničny skupýny Rady vlady SR, što považuju za nedoceniňa toho vysokoho štatnoho postu, ...» Вырїшалне і мотівуюче про написаня тотых матеріалов небыл дакотрый із многых горячіх русиньскых проблем але проблема „недооцїненя“ особы пана Яна Калиняка як члена Выбору про національны меншіства етнічны ґрупы при Раді влади СР.

*Дале пан Яна Калиняк ма дакотры дїла неуяснены, або баламутит. На єдный страні пише, же:
«Choču pochvalýtý aj delegativ SARO Petra Medviďa i Milana Pilipa a hlavni Slava Hirjaka ...»

На іншой страні пише:
«My na Kongresi nebylý prýtomny. Nepozvalý nas. Jich neintresujut zaujmy ostatnich Rusýniv Slovenska, lem zaujmy ROS? Čom nas nezaklýkalý a rozhodlý o nas, bez nas? Jakym pravom?» Хто то є „My“ ? З наведженого выходіть же „My“ то є пан Ян Калиняк.

*Дале пише:
«A ja vo Vybori zastupuju i obhajuju zaujmy tych 50 000 rusýnskych občaniv na Slovensku. Zato bez dohody z ostatnima Rusýnamý, ani Vladimir Protývňak, ani ostatni predstavitele ROS, nemajut moralne pravo, sami rozhoduvatý za všytkych Rusýniv Slovenska, ani podavatý svij navrh o čerpani financij zo Slovenska, v prospech Rusýniv ciloho svita, ked štat davat toty financiji pro 50.000 Rusýniv žyjučich na Slovensku.» Пан Ян Калиняк – хто вам дал мандат на заступованя вшыткых Русинів ? Довіря Русинів сьте во вольбах нездобыли. Може заступате інтерес Влади СР, котра вас на функцію встановила, може заступате свой інтерес.

І на закінчіня:
Вашe веце як 20-річне дїяня в русиньском руху потверджує, же цілый русиньскый рух заместнавате своїм непродуктівным ваджінём – што русиньскый рух одводит од рішеня основного русиньского проблему, котрым є русиньске школство ...

Зато пропоную:
1) вшытку намагу концентровати на навчаня русиньского языка на школах;
2) на зволиня нашых леґітімных воджатаїв.