а) Світовый конґрес Русинів (СКР) конштатує, же на конґресí брало участь 79 делeґатів, котры заступають 9 штатів світа.

б) XII. СКР бере до відомoсти:
1. Інформацію о дїятельстві Світовой рады Русинів по XI. СКР, котру прочітав председа СРР Дюра Папуґа, як і задачі, котры стоять перед СРР на слїдуючій міджіконґресовый період.
2. Інформації о дїятельстві русиньскых орґанізацій в окремых членьскых державах, здруженых у СКР, котры презентовали членове СРР, або повірены членове за єднотливы державы.
3. Інформації о дїятельности єднотливых конґресовых комісій, котры были прочітаны їх председами.
4. Інформацію пана Мартіна Караша о резултатах засїданя Світового форума русиньской молодежи.

в) XII. СКР схвалює робочі комісії XII. СКР, а то:
Мандатову комісію в складї – Іван Кушнір, Іван Петрецькый, Емілія Ґубова.
Волебну комісію в складї – Мірон Крайковіч, Юрай Шіповіч, Петро Кіш.
Пропозіційну комісію в складї – Александер Фецура, Василь Бойкуш, М. Шайтош.
І скрутаторів конґресу в складї – Іван Брода, М. Шайтош.
Робочі комісії XII. СКР в слїдуючім періодї до XIII. СКР і їх председів:
Комісія про освіту – Ксенія Медєші, председнічка.
Комісія про културу – Міломір Шайтош, председа.
Комісія про історію – Михайло Фейса, председа.
Комісія про економічный розвиток – Володимир Бучко, председа.
Комісія про выдавательство і інформації – пан Карбай, председа.
Комісія про штатут СКР – Андрій Копча, председа.
Схвалює інформацію ревізной рады СКР за період од XI. до XII. СКР, котру прочітав председа ревізной рады Іван Петрецькый із Румунії і котру доповнив таёмник СРР Владимір Противняк.
Склад СРР: Стефан Лявинець (Мадярьско), Владимір Противняк (Словакія), Андрій Копча (Польща), Александер Мошкола (Чехія), Юліюс Фірцак (Румунія), Славомір Гиряк (Северна Америка), Микола Бобинець (Україна), Міё Шайтош (Хорватія), Дюра Папуґа (Сербія), Мартін Караш (СФРМ).
Схвалює термін і місце одбываня XIIІ. СКР, котрый буде в місяцї юн 2015 в Румунії.
Схвалює штатут СКР у верзії, яка была предложена на XII. СКР.
Схвалює резолуцію владї Україны, жебы узнати Русинів як окрему народностну меншыну.

г) Членове СРР зволили функціонарів СРР: председа Дюра Папуґа, підпредседове Штефан Лявинець і Юліус Фірцак, таёмник Владимір Противняк.
Волить ревізну комісію в складї: Іван Кушнїр (Україна), Іван Петрецькый, (председа, Румунія), Петро Кіш (Хорватія).

ґ) СКР укладать:
1. Розпрацовати задачі єднотливых комісій до конктетных дій зо встановлїнём конкретного датуму як і одповідности за їх сповнїня. Термін: 30. 10. 2013, одповідный: председа СРР.
2. Выпрацовати новы становы СКР, котры сповнюють европскы крітерії і предложыти на діскузію окремым членьскым державам СКР в словацькім і русиньскім языках, як і в державных языках окремых держав СКР. Термін: 30. 9. 2014, одповідный: председа СРР.
3. Роспрацовати єднотливы діскусны выступлїня до конкретных задань, жебы ся орґан СРР став пружнїшым і ефектівнїшым. Термін: 30. 10. 2013, одповідный: председа.
4. Спрацовати основы господарїня СКР, предложыти на їднаня окремым членьскым орґанізаціям, і на схвалїня XIIІ. СКР.
5. Забеспечіти урядный переклад уснесїня до русиньского языка і языків окремых членьскых держав СКР. Термін: 30. 9. 2013, одповідный: таёмник СРР.
6. Заступовати і обгаёвати інтересы Русинів в штруктурах Европськой Унії і Орґанізації споєных народів. Термін: сталый, одповідный: председа СРР.
7. Забеспечіти урядный переклад станов СКР до русиньского языка і урядных языків окремых держав СКР. Термін: 30. 9. 2013, одповідный таёмник СРР.
8. Забеспечіти, жебы ся СКР обернув на Раду Европы і Европського парламенту зо жадостёв о одсуджіня Акції Вісла.
9. Забезпечіти, жебы ся СКР обернув на мадярьского презідента і мадярьскый парламент зо жадостёв, жебы Катедра русиньского языка в Мадярьску не заникла.