20. нобвембра 2009 в Братїславі одбыла ся стріча Русинів, яку зорґагізовало Здружіня інтеліґенції Русиніц Словеньска на челї з доц. МУДр. Михалом Штенём, к. н.
Є 20 років од нїжной револуції, но в реґіонї, де жыють Русины, ся ніч не мінить ку лїпшому. Дозрів час, абы ся дїла посинули дале. Дозрів час заложыти реґіоналну політічну партію, котра сі выбудує візію, проґрам, підпору і зачне просаджовати то, жебы ся проблемы, котры траплять Русинів, ся ай рїшали. Можно так мож коротко згорнути одказ, котрый одпрезентовали главны протаґоністы споминаной стрїчі – Александер Дулеба, Ян Ліпіньскый і Мірослав Кнап.
Як повів Дулеба, треба сформуловати певны цїілї і конкретный уцїленый проґрам, в котрім бы не мали хыбовати такы головны вопросы рїшіня: выселенцї зо стариньской долины, деформація волебного закона, русиньске школство, мадярьска карта, подниканя на северовыходї Словеньска і еурофонды.
Але про взник новой партії треба 10 тісяч підписів і сформуловати єй подрібный проґрам, а проґрамный тім собі на то дав час до марца 2010.