Ку 21. маю 2011 на Словеньску буде списованя людей, квартелїв і домів, яке є про нас Русинів барз важне, бо од того, кілько Русинів ся офіціално пригласить к русиньскій народности, залежыть высота штатной дотації на розвой русиньской културы. . Так істо не треба забыти на свій русиньскый материньскый язык, а тот собі і записати до гарків списованя. То ся тыкать вшыткых, котры мають русиньске корїня. Не забудтьте, же вашы предкы ся голосили к своїй русиньскій народности і за тяжкых условій! Теперь жыєме в демократічнім штатї, котрый Русинів узнає як самостатрну народностну меншыну і тота має вшыткы права і повинности, якы єй выпливають з Уставы Словеньской републікы. Также, віриме, же чісло жытелїв русиньской народности і тых, котры собі офіціално уведуть за свій материньскый язык русиньскый, буде векше, як то было в роцї 2001 або 1991.