В редакції Русин і Народны новинкы (Р і НН) роблю 22 рокы, але найгірше несподїваня пришло того року, кідь дотація з Уряду влады СР на НН і Р пришла вєдно на обидва періодіка – 15. ОКТОБРА 2013!!!
Зато ся періодіціта заставила по 5. чіслї НН і 2. чіслї Р. Періодіка выдавали сьме реґуларно, хоць на довг, а то вдяка дакотрым добрым людём (мож то было перевірити, і прочітати выданы новинкы і Русина на нашій вебовій строрінцї в рубріцї Преса, но не каждый має інтернет). А на поштовне не было уж ани властных пінязей. Также перебачте, же сьте тоты выданя не нашов винов дістали скоро вшыткы нараз (НН ч. 6, 7, 8, 9, 10 і Русина ч. 3), также аж теперь можете діставати новинкы реґуларно.

Лем з Русином то гірше, бо выйде не шість, але штири чісла, бо лем на тілько была нам схвалена дотація. Кідь сьте теперь нараз дістали 5 чісла новинок і 1 чісло Русина, так многы сьте не знали, што ся діє, но многы сьте передбачали або знали, же „зліквідованя“ переодіціты русиньской пресы є дїлом Уряду влады СР“. Може, по тых словах, на рік 2014 буде іщі „смутнїшый“ рекорд, але то уж так мовчати не будеме!!! Чом ся з народностныма меншынами в СР так нешумно маніпулує, якбы были дашто меншецїнне, менше потрібне або про дакого скоро і цїлком непотрїбне,.. лем перед загранiчом наша влада говорить праві наспак – о великій і достаточній підпорїї розвитку народностных меншын ...