2. авґуста 2009 быв орґанізованый у Біловежі, Бардеёвского окресу, містным сільскым урядом, РОС і Реґіоналным клубом РОС у Бардеёві фолклорный фестівал в рамках акцій під назвов Днї русиньскых традіцій. Тогорічный фестівал ся одбыв у рамках святкованя 30 років екзістенції домашнёго фолклорного колектіву – Біловежанка. Але, самособов, же нелем она выступила про притомных, но і далшы позваны колектівы: Самы собі, співацька ґрупа СЧК Бардеёв – Стара Любовня, братя Коларовы з Колачкова, співачкы Вікторія Кожена і Мартін Слота з Бардеёва, вершынов проґраму было выступлїня музично-співацькой ґрупы Андрія Кандрача зо ёго трёма гостями – матірёв Моніков Кандрачовов, знамов співачков Аннов Порачовов і зачінаючов співачков Любіцов Ручінсков.