Решпектуєме рїшіня пріматора міста Свідника Iнж. Яна Голодняка, котрый нам понукнув сполупрацу при орґанізованю фестівалу у Свіднику в особї председы ОО РОС Мґр. Мілоша Стрончека. М. Стрончек є учітелём, учіть і русиньскый язык і културу на Церьковній ОШ св. Юрія у Свіднику. Є музуикантом і актівным орґанізатором културно-выховных подій, в нашій орґанізації быв довгый час заступцём ОО РОС. Каждорічно успішно орґанізує Віфлеємскый вечур у Свіднику, пориправує учнїв на декламацію русиньской поезії і прозы Духновічів Пряшів. 28. новембера 2010 Русиньска оброда на Словеньску за актівну робот го оцїнила Памятнов плакетов к 20-річу РОС.