26. юла 2009 одбыв ся русиньскый фолклорный фестівал у Пчолинім (окр. Снина), котрый є сімпатічный главно тым, же на нім выступають во великій мірї русиньскы фолклорны колектівы, а лем пару гостюючіх іншой народности, што не бывать такым частым явом на остатных русиньскых фестівах. Того року в Пчолинім выступили, окрем домашнёй Пчолинчанкы, такы колектівы, як співацька ґрупа з партнерьского села Гамры, Ублянка, Пыхончанка і Хемлон. Орґанізовав го Сільскый уряд у Пчолинім і РОС.