10. окторбра 2010 село Нижня Полянка (окрес бардеёв) у сполупрацї з Русиньсков обродов на Словеньску – Реґіоналным клубом в Бардеёві і Вышнёшарішскім освітным центром зорґанізовали Фестівал русиньской културы, якый быв у містнім домі културы.
В проґрамі выступили: ФҐ Барвінок і дуо М. Караш – І. Сивулькова з Камюнкы, ЖФҐ Стебничанка зо Стебника, МСҐ із Вышнёй Полянкы, як і солісты-інтерпреты русиньскых народных співанок: М. Слота, З Якубова, К Фечанінова зо Снакова, В. Кожена і Л. Ручіньска з Бардеёва, як і конферансєрка проґраму, М. Шуркалова зо своїм братом Патріком.