11. децембра 2009 в Основній школї з Матерьсков школов Мыхала Сопіры в Радванї над Лабірцём, окрес Міджілабірцї, быв хосенный актів учітелїв русиньского языка, на котрім главнов темов была Робота з іновованыма робочіма зошытами русиньского языка про 2. – 5. класу ОШ і планована приправа методічных приручок. На актїві были двоме лекторы, а то ПгДр. Анна Плїшкова, ПгД. із Інштітуту русиньского языка і културы Пряшівской універзіты у Пряшові і Мґр. Марек Ґай, новый методік русиньского языка Методічно-педаґоґічного центра в Пряшові, як і учітель русиньского языка на споминаній школї. М. Ґай актів приправив на належній якостній уровни а можуть лем жаловати тоты учітелї, котры на тот хосенный актів не пришли.