1. русиньска вінчанка в мoнaстырю в Пряшові 5. марца 2011 ся одбыла в Пряшові в Монастырю св. Василія Великого на ул. Ваяньского 31 перша вінчанка, котра проходила в тым монастырю в комбінації русиньского і старославяньского языка. Mолодята Давіда Крайняка з Пряшова-Канаша і Зузану Кордованову з Кошіць повінчав о. ТгЛіц. Франтїшек Крайняк, парох із Камюнкы, стрыко жениха. Притомный на вінчанцї быв і о. Метод Біланчік, ЧСВВ, іґумен пряшівского василіяньского монастыря. Обряд вінчанкы красно допроводжали своїма голосами дївчата к Камюнкы Павла Патаракова і Нікола і Юлія Шкваровы. Про векшыну віруючіх, котры пришли до монастыря, была вінчанка в русиньскім языку і старославяньскім языку обрядом, на якім взяли участь першый раз і вшыткым ся барз любила і была про них духовным і сполоченьскым зажытком.
Tреба тыж оцїнити позіцію невісты Зузаны, котра і кідь ку вінчанцї приступала як римокатолічка, словеньской народности, была согласна з обрядом подля ґрекокатолицькой віры і не мала претеннзії проти старославяньскому і русиньскому языку. Молодятам треба заґратуловати к їх вінчанцї і пожелати їм на сполочній жывотній пути На многая і благая лїта!