11. септембра 2010 село Хмелёва, Русиньска оброда на Словеньску, Здружіня інтеліґенції Русинів Словеньска зорґанізовали Хмелївскы днї хлїба в рамках 11. Фоклорного свята і Днїв русиньскых традіцій.
У дообідній проґрамі было указано як ся приправує і пече хлїб і варять традічны русиньскы народны їдла, проходив фотодень Моїма очами, были презентованы документарны філмы о Русинах і одбыла ся вернісаж выставкы родачкы з Хмелёвой – М. Ауґустіньской. Потім была деґустація традічных їдел при народній музицї. Пообідї в салї културного дому быв про притомных приправленый фоклорный проґрам, в рамках якого выступили: ФК Маковіця зо Свідника, Самі собі – ФҐ пензістїв з Бардеёва, дружобна співацька ґрупа з Ґладышова у Польску, дівоча співацька ґрупа при ОШ у Хмелёвій, як і дїти МШ того села. Модераторков проґраму была М. Железна.