11. новембра 2009 реалізовав Аукчный дім Сотебія в Ню Йорку єдну з найважнїшых аукцій того року, на котрій выдражыли з 54 понукнутых 52 образы у цілковій сумі 134,4 міліона америцькых доларів.
Великый розрух на аукції выволало 5 робот краля поп-арту, Енді Варгола (обоме ёго родічів были Русины із русиньского села Микова на северовыходї Словенська), котры выдражыли в цілковій сумі 55.780.500 доларів. Ёго вызнамна робота „200 єднодоларовых банковок“ была понукнута за 8 міліонів доларів, але по драматічнім бою наконець выдражена за неувіримых скоро 44 міліонів доларів. Своїх „15 минут славы“ собі прожыла і панї Каті Насо, котра была властником автопортрету Енді Варгола малых розмірів і особно была притомна на аукції. Автопортрет дістала од самого Е. Варгола як дарунок перед 43 роками, в часї, кідь в роках 1965 – 1967 робила в ёго леґендарній Фабрицї-ателєрі (Factory) як адміністратівна працовнічка. З понуканой сумы 1 міліон доларів до бои семоы інетересуючіх ся о тот образ здобыв го єден із них за конечну суму высше 6 міліонів доларів.
Тот день належав зась належав Е. Варголови, котрый є довготривало на 1. місцю в контеркстї орґанізованых выставок і продая перед другым П. Пікассом.
(В прилозї суть образы і точный попис Варголовых робот на спонинаній аукції в Ню Йорку.)