V seľi Kurov, Bardejovskoho okresu, dňa 30. juna 2013 bŷv realzovanŷj Miždinarodnŷj folklornŷj festival z nazvom Svit pryšov do Kurova, na kotrim okrem foklornŷch kolektiviv iz našoho regionу vystupyly i folklornŷ kolektivŷ iz 7 riznŷch štativ.

Okremy ansambľi public´i predstavyly program jich narodnostnŷch menšŷn. Program konferovaly Žanetta Lišivkova i Juraj Bochňa, a to v rusyňskim materyňskim jazŷku a sloveňskim. Cila atmosfera v seľi Kurov bŷla duže dobra. Všytkŷ domŷ, jak aj jich dvorŷ, nelem že bŷly v najľipšim porjadku, ale pry mnohŷch domach navštevnic´i sela Kurov mohly sobi posmakovaty na domašňich jidlach, kotrŷ pripravyly ženŷ sela. Po slavnostnim manifestaciji selom, kolektivŷ svij program začali o 15.00 hodyňi a program trymav vece jak 5 hodyn. Pritomnŷch ľudej na programi bylo vece jak 3 tis´ač. Škoda, že doteper Urjad vlady SR finančňi nepidporyl uvedženu akciju, kotra sa v Kurovi toho roku odbŷla už po treľij raz a naležyť miždži najvekšŷ siľskŷ akciji u nas.

Akcija bŷla barz uspišna a velike poďakovaňa patriť siľskomu urjadu za dobru organizačnu prypravu toj vŷznamnoj kulturno-spoločenskoj akciji.