1. – 2. авґуста 2009 быв ахієрейскый одпуст – Преображеніє Господа на Буковій Гірцї, Стропківского окресу, якый мать довгорічну традіцію. Тот послїднїй зачав ся у суботу пообідї молебенёв ку Господу Ісусу Хрісту, пізнїше продовжовав одпуст вечурнёв з літурґіёв, дале Службов Божов, аґапе, акафістом, повечерієм і скінчів ся день Ісусовов молитвов і молитвов псалмів. У недїлю рано зачала молебень ку Преосвященій Богородіцї, потім была утреня а кулмінацієв была архієрейска Служба Божа, котру одправляв за участи многых священиків владыка Ян Бабяк, СІ, пряшівскый архієпіскоп і митрополита Ґрекокатолицькой церькви на Словакії. На конець Службы Божой было мірованя.