29. сeптембра 2010 в Основній школї в Камюнцї (oкрес Стара Любовня) была бесїда родака з того села, русиньского писателя, лавреата Премії Александра Духновіча за русиньску літературу од Карпаторусиньского выскумного центра в америцькім Ґласспортї, бывшого председы Сполку русиньскых писателїв Словеньска – Mиколая Ксеняка зо школярями.
Писателя привітала директорка школы, ПаедДр. Ґреґова в притомности своёй заступкынї, Анны Ґочіковой. Потім писатель коротко росповів о своїм жывотї, пізнїше говорив о своїх трёх найновшых книжках, у русиньскім языку – „Жменї родной землї“, в словеньскім языку „Bájky“ і словеньско-русиньскім зборнику баёк „Zrkadlenie/„Зеркадлїня“, котры выдав Сполок русиньскых писателїв Словеньска і СНМ – Музей русиньской културы в роках 2009 і 2010. Дале школярї ся інтересовали о спомянуты найновшы книжкы автора, як і о ёго творчость вообще, зато давали вопросы, на котры писатель охотно одповідав. На конець выдареной акції была aвтоґраміада, на котрій учнї писатель учням підписовав свої книжкы і дві подаровав до школьской книжницї.