Новинкы • Noviny • News 42/2010

• В Пряшові ожывує ся історія

  15. oктобра 2010 в просторах СНМ – Музею русиньской културы на Масаріковій ул. ч. 10 у Пряшові святочна вернісаж выставкы сільскых крoнік і памятных книг. Выставка буде отворена три тыжднї.

• Прозвучав і русиньскый язык К. Галасовой

  2. oктобра 2010 належав у новозамоцькій Бібліотецї Антона Бернолака стрічі членів літературного клубу (ЛК) Ґенерації. Свою першу стрічу по лїтнїй павзї присвятив властній творчости і попри словеньскому, чеському і мадярьскому языках в інтерпретації Квєты Галасовой прозвучав і русиньскый літературный язык. Многы, котры ю дотеперь познали лем як шефредакторку окресных новинок „Naše novosti“, єй властна творчость несподївала, є але прикладом того, же творчій чоловік не одпочівать ани на пензії.

• Гостї з Бардеёва у Войводинї і Сримі

  1. oктобра 2010 навщівила 12-членна делеґація з Бардеёва „главне місто“ войводиньскых Русинів у Сербії – Руськый Керестур. В дeлeґації были дакотры бывшы і сучасны челны представителї Бардеёвского окресу на челї з предностом Обводного уряду в Бардеёві Iнж. Мaртіном Хомом і председом одбору школства і тїлесной културы МсУ в Бардеёві Miрoславом Буйдом.

• Бесїда з писателём М. Ксеняком

  29. сeптембра 2010 в Основній школї в Камюнцї (oкрес Стара Любовня) была бесїда родака з того села, русиньского писателя, лавреата Премії Александра Духновіча за русиньску літературу од Карпаторусиньского выскумного центра в америцькім Ґласспортї, бывшого председы Сполку русиньскых писателїв Словеньска – Mиколая Ксеняка зо школярями.