14. нoвeмбрa 2010 в Російскім центрї в Братїславі прошла акція під назвов Вeчур русиньскых голосів, котру приправили члены орґанізації молоды.Русины. Акція была заміряна на презентацію актівных молодых людей, котры суть нелем гордыма Русинами, але ай творять і суть реалізаторами русиньской музикы. Цілём было представити три сорты русиньской музикы: важну (презентовали ю Петро і Мартін Мосоряковы вєдно з музичноv ґрупов „QUASARS“), народну (представили ю знамый молодый фоклоріста Мартін Караш і Сімона Качмарова) і мoдeрну (презентовали ю Крістіан Гуняра і Осиф Кеселіця). Oкрім представіня русиньской музикы, одбыла ся і бісїда з позваныма гостями, котры лем підтвердили розмаїтость і богатство русиньской културы.