Новинкы • Noviny • News 47/2010

• Святочне засїданя СРР у Братїславі

  20. новембра 2010 в Домі новинарїв у Братїславі прошло святочне засїданя Світовой рады Русинів із нагоды 20-річного юбілея Русиньской оброды на Словеньску як членьской і єдной із закладаючіх орґанізацій Світового конґресу Русинів.

• Вeчур русиньскых голосів

  14. нoвeмбрa 2010 в Російскім центрї в Братїславі прошла акція під назвов Вeчур русиньскых голосів, котру приправили члены орґанізації молоды.Русины. Акція была заміряна на презентацію різных сортів русиньской музикы.

• Стріча на Урядї влады СР

  9. новембра 2010 на Урядї влады Словеньской републікы в Братїславі была стріча підпредседы влады СР про людьскы права і народностны меншыны Рудолфа Хмела з представителями народностных меншын.